Margmiðlunarskólinn

Margmiðlunarskólinn

MoCap kynning á Skrúfudegi

Author: Administrator |

Á Skrúfudeginum, sem er kynningardagur Tækniskólans, var gestum og gangandi boðið að koma og skoða MotionCapture stúdíoið sem Margmiðlunarskólinn á. Þetta stúdió er hið eina sinnar tegundar á Íslandi. Það voru fjölmargir sem nýttu þetta tækifæri til að sjá þetta og skoða hvað skólinn hefur uppá að bjóða.

Jónsi fékk að máta búninginn á meðan Ari Knörr, kennari við MMS kynnti tæknina fyrir gestum.

Síðast uppfært (Mánudagur, 01. Mars 2010 17:36)

Umsóknarfrestur í MMS fyrir haustið 2010

Author: Administrator |

Opnað verður fyrir umsóknir á netinu á slóðinni www.menntagatt.is

Helstu dagsetningar eru þessar:

Aðalinnritun er frá 12. apríl til 29. apríl 2010

Milli 3. maí og til 15 júní, verður tekið við umsóknum á biðlista.

Umsækjendur eru beðnir um að skila prófskírteinum í viðhengi með umsókn. Einnig er óskað eftir að umsækjendur sendi inn portfoliu, þ.e. safni af eigin verkefnum, hugmyndum og öðru slíku. Þessi portfolia getur til dæmis verið sett saman í videoform og okkur sendur hlekkur á youtube.com, einnig er hægt að mæta með gögnin á skrifstofu Tækniskólans, Skólavörðuholti, á skrifstofutíma.

Síðast uppfært (Mánudagur, 01. Mars 2010 17:50)

Nordisk Panorama

Author: Administrator |

MMS er búinn að vera í samstarfi við Nordisk Panorama kvikmyndahátíðina sem var núna 25-30 september. Þar unnu nemendur MMS og meistaranemar í hagnýtri fjölmiðlafræði að gerð stuttra heimildarmynda innslaga (2 mín) í tengslum við hátíðina. Nemendur í rafeindavirkjun munu síðan sjá um að streyma efninu út á veraldarvefinn meðan á hátíðinni stendur. Auk þess verða myndirnar sýndar á skjá á sérstöku kaffihúsi í Regnboganum sem sett verður upp í tengslum við hátíðina. Myndirnar eru komnar á vefin á slóðinni: http://www.nordiskpanorama.com/NP_TV-583/

Síðast uppfært (Fimmtudagur, 01. Október 2009 16:51)

Teiknimynd um réttindi barna

Author: Administrator |

Sunna Björk Mogensen og Helga Lóa Kristjánsdóttir sem eru nemendur á þriðju önn í MMS eru að vinna að gerð teiknimyndar í samstarfi við góðgerðarsamtökin Réttindi barna, sem eru ný samtök sem hafa það að leiðarljósi að fræða börn um réttindi þeirra. Þau eru að fara af stað með þeirra fyrsta verkefni sem heitir Segjum nei, segjum frá! og felst í því að búa til teiknimynd um kynferðislegt ofbeldi sem sýnd verður í grunnskólum landsins og vonandi einnig í sjónvarpinu á sérstökum degi gegn kynferðislegu ofbeldi.

Leikstjóri verksins er Felix Bergsson og CCP kemur inn sem ráðgjafi við útfærslu verksins.

Öll tæknivinna er í höndum Sunnu og Helgu Lóu.

Fyrstu drög að myndinni má sjá hér.

Síðast uppfært (Sunnudagur, 13. Desember 2009 20:29)

Heimsókn í Rúv

Author: Administrator |

Á dögunum fóru nemendur sem nú eru á þriðju önn í mms, í heimsókn til Rúv. Þar tók á móti okkur Davíð Jón Ögmundsson sem kynnti fyrir okkur undirbúning á "greenscreen" og "tracking" upptöku. Eftir þá kynningu bauð hann okkur að skoða eftirvinnslu deildina og fór yfir það hvernig nokkur rúv innklipp voru unnin.

Við þökkum Davíð, sem er fyrrverandi nemandi í mms, kærlega fyrir að bjóða okkur.

Síðast uppfært (Laugardagur, 19. September 2009 13:04)