ZMF305  Margmiðlunarfræði

Margmiðlunarforritun, rannsóknarvinna og þróun

Undanfari
 ZMF205, ZHO205, ZVF205

 

Áfangalýsing

Nemendur vinna með margmiðlunarforritun og gagnvirkni á þrívíðu efni.  Farið yfir grunnatriði gagnasafnsfræði og hvernig unnið er með lengra komnum forriturum.  Skoðað hvernig gagnagrunnar eru notaðir í samhengi við margmiðlunarverkefni.

Grunnatriði í tölvuleikjagerð skoðuð með áherslu á upplifun notandans, skipulagningu verkefna og tengingu við þrívídd.

Nemendur vinna hugmyndavinnu og rannsóknavinnu að útskriftarverkefni fjórðu annar. Rannsóknaritgerð er unnin með áherslu á tæknileg úrlausnarefni í útskriftarverkefni nemenda.

 

 

Áfangamarkmið

 

Að nemandinn:

·    hafi skilning á rannsóknar- og hugmyndavinnu

·    geti unnið með gagnvirkni í þrívídd

·    kunni grunnatriði í gagnasafnsfræði

·    geti skipulagt tölvuleikjahönnun

·    kunni að skrifa rannsóknarritgerð

·    skili vel útfærðum tillögum að útskriftarverkefni sínu

·    leggi fram ítarlega verklýsingu fyrir útskriftarverkefnið

 

 

 

Efnisatriði

Gagnvirkni í þrívídd, gagnasafnsfræði, tölvuleikjagerð, undirbúningur, rannsóknarritgerð, hugmyndavinna, verkáætlun.

 

 

Námsmat             

Tæknilegar æfingar unnar á önninni

Undirbúningsgögn fyrir útskriftarverkefni

Rannsóknarritgerð

Verkefni unnin í samstarfi við aðra áfanga annarinnar.

 

ZHO305  Hönnun

Margmiðlunar- og tölvuleikjahönnun í þrívídd

 

Undanfari.
ZHM205 og ZHO205

 

Áfangalýsing

Þessi áfangi fjallar um sköpun efnis fyrir kvikmyndir, tölvuleiki og margmiðlunarefni.

Skilningur nemanda á módelingu, áferðavinnu, ljósum og hreyfinga er aukinn. Skoðuð eru takmörk á hinum ýmsu miðlum svo sem kvikmynda, margmiðlunarefnis og tölvuleikja og ýmsar leiðir til að komast hjá þeim. Nemanda er kennt hvernig karakterar eru módelaðir og útflattir fyrir áferðavinnu. Skoðaðar verða nokkrar aðferðir við að búa til normal map og einnig displacement map og ástæður fyrir notkun þeirra. Farið verður yfir notkun á motioncapture í kvikmyndum og einnig í tölvuleikjum. Athugað hver munurinn á þessum miðlum er með tilliti til upptöku á hreyfingum. Farið verður yfir helstu aðferðir við uppsetningu á módelum, ljósum og áferðum sem fella á inn í lifandi kvikmynd. Viðmótshönnun í þrívídd kennd og hvernig gera má ráð fyrir gagnvirkni og samspili milli ólíkra miðla.

 

 

 

Áfangamarkmið

 

Að nemandinn:

• Geti valið milli aðferða við gerð hluta með tilliti til lokamiðils
• Kunni að nota 3d og samspil miðla til viðmótshönnunar
• Kunni helstu aðferðir við notkun á normal og displacement mapping
• Kunni skil á helstu aðferðum við upptöku á motioncapture efni
• Geti undirbúið þrívíddarsenu sem fella á inn í kvikmynd
• Geti búið til útflatning af karakter fyrir áferðavinnu

 

 

 

Efnisatriði

 

Módeling, áferðavinna, motioncapture, sculpting, normalmap, displacementmap,  morph, matte painting.

 

 

Námsmat             

 

Námsmatið byggist á verkefnavinnu nemenda og þátttöku þeirra í umræðum.

 

ZHM305  Hreyfimyndagerð

Persónusköpun og kvikun

 

 

Undanfari
ZHM205 og ZHO205

 

Áfangalýsing

Áfanginn byggist á því að nemandi öðlist skilning á hinum marglita heimi hreyfimynda. Á hverju hreyfimyndir byggjast og hvaða lögmál eru til staðar til að láta hreyfimynd ganga upp. Í framhaldi af ZHM205 er skilningur dýpkaður á hreyfilögmálum hreyfimyndagerðar.  Farið verður fræðilega yfir hvernig hljóð-hreyfimynd er þróuð frá hugarburði yfir í fullunna afurð tilbúna til sýningar. Aðferðir verða skoðaðar og nokkrar prófaðar.

Farið verður yfir uppsetningu á beinakerfum fyrir karaktera í þrívíddarumhverfi. Skoðað verður hvernig hægt er að nota tilbúin kerfi, auk þess sem nemendum er kynnt hvernig þeir geta skapað sín eigin, bæði fyrir líkama og andlit.

Kíkt á mismunandi tegundir hreyfimynda út frá gerð þeirra, hreyfingum, áferð mynda og fleira. Unnin verða ýmis lítil tilraunaverkefni samfara efninu og í lok vetrarins munu nemendur skila stóru lokaverkefni auk skissubókar um gerð verkefnisins.

 

Áfangamarkmið

Að nemandinn:

• hafi skilning á eðli og uppbyggingu hreyfimynda
• öðlist dýpkaðan skilningá lögmálum teiknimyndagerðar og hvernig má nýta þau
• skilji hvering nýta má fyrirmyndir í hreyfimyndagerð
• skilji mikilvægi leiklistar og tjáningar
• öðlist skilning á hvernig best er að skipuleggja stærri teiknimyndir í þrívíddarumhverfi
• geti unnið með talsetningu og svipbrigða kvikun
• geti unnið hljóð-myndhandrit (animatic/block test)
• Geti bundið saman beinakerfi við karaktermódel
• Kunni skil á uppsetningu beinakerfa

 

 

Efnisatriði

Hugmyndavinna, myndræn hugsun, hljóð- myndhandrit, kvikun, taktur og tímasetningar hreyfinga, talsetning, inntak, áferð, skipulag og undirbúningur.

Námsmat

Skissubók sem nemendur vinna í alla önnina, teikniæfingar, hugmyndavinna, hreyfimynd.

 

 

 

ZHM315  Hreyfimyndagerð

Eftirvinnsla og brellukvikun

 

Undanfari
ZHO205 og ZHM205

 

Áfangalýsing

 

Skoðað hvernig hægt er að ganga lengra með hina ýmsu miðla með aukinni eftirvinnslu (advanced compositing).  Samspil þrívíddar og tvívíddar skoðað.  Hvernig nota má þrívídd til að bæta við myndskeið leikin eða kvikuð og öfugt.  Green screen notað í gagnvirku þrívíddar umhverfi.  Samspil ólíkra miðla skoðað og hvernig má nota eftirvinnslu til að spara vinnu þegar unnið er með þrívídd.  Farið yfir hvernig þrívíðir hlutir eru settir inn í lifandi myndskeið og hvernig leikarar (video) eru settir inn í þrívídd.

 

Áfangamarkmið

 

Að nemandinn:

• geti blandað mismunandi miðlum (þrívídd, tvívídd, video) saman
• geti unnið „brellukvikun“
• viti hvernig eftirvinnsla er notuð með þrívíddinni
• geti skipulagt tökur með tilliti til eftirvinnslu
• viti hvenær best sé að nota 2d og hvenær 3d
• Læri að vinna með „matte painting“ á myndskeiðum

 

 

Efnisatriði

Samsetning, þrívídd, tvívídd, video, eftirvinnsla, particles, rpf, raungering, tracking, masking, myndavélar, ljós og keying.

 

Námsmat             

 

Verkefni sem unnin eru á önninni í samstarfi við aðra áfanga

Tæknilegar æfingar

Lokaverkefni í samstarfi við aðra áfanga