Nú eftir áramót fengu útskriftarnemendur Margmiðlunarskólans nýja vinnuaðstöðu hér í skólanum. Vinnuaðstaðan er á fyrstu hæð Vörðuskóla í stofu 612 sem áður var bóknámsstofa, við hlið stofunnar er stór gangur sem er búið að breyta í upptökustúdíó. Kennarastofa margmiðlunarskólans er á sömu hæð og nýtist hún einnig sem viðtalsherbergi. Tækjabúnaður, ný borð og stólar voru keyptir í stofuna. Nemendur geta nú unnið óareittir að útskriftarverkefnum sínum í stofunni sem tilheyrir eingöngu Margmiðlunarskólanum.

Fjórir útskriftarnemendur stóðu upp frá verkefnum sínum á Öðruvísi dögum og tóku þátt í fótboltamóti Iðnskólans sem haldið var ásamt öðrum uppákomum. Kennarar og nemendur öttu kappi í útsláttarkeppni og létu strákarnir ekki slá sig út af laginu og stóðu uppi sem sigurvegarar keppninnar.

Glaðbeittir sigurvegarar fótboltamóts Iðnskólans: Kasper Örtenblad Hansen, Ragnar Freyr Guðmundsson, Sæþór Jóhannesson og Jón Már Gunnarsson.