1. Forsíða
  2. Námsefni
  3. Skilningsbókin

Skilningsbókin

Opna vöru
  • Höfundur
  • Björn Valdimarsson
  • Myndefni
  • Ýmsir
  • Vörunúmer
  • 9975
  • Skólastig
  • Miðstig
  • Unglingastig
  • Útgáfuár
  • 2011
  • Lengd
  • 94 bls.

Skilningsbókin er verkefnabók til útprentunar fyrir grunnskólanema þar sem verkefnin þjálfa skilning í lestri, stærðfræði og náttúrufræði. Við gerð þeirra er tekið mið af PISA-könnunum undanfarinna ára og nemendur þjálfaðir í að leysa verkefni í þeim anda.

  • Markmiðið er að gera þá hæfari til að leysa fjölbreytt verkefni úr daglegu lífi. 
  • Enn fremur eru í bókinni verkefni í fjármálalæsi sem miða að því að þjálfa skilning á ýmiss konar tilboðum þannig að nemendur sjái hvað er hagkvæmast í raun.
  • Upplýsingalæsi er mjög mikilvægt nútímamanninum til að vinna úr þeim upplýsingum sem berast í daglegu lífi. Það er ekki nóg að geta skilið lesinn texta því upplýsingar birtast einnig í töflum, kortum, línuritum, teikningum og annarri grafík sem fólk þarf að geta ráðið fram úr til að nýta sér þær.
  • Með þessu námsefni má auka lesskilning nemenda með lestri á tiltölulega stuttum textum og textarýni. Í kjölfarið fylgja markvissar spurningar og verkefni sem þjálfa nemendur í að ráða í merkingu orða út frá samhengi í texta og kryfja meginefni hans til mergjar.
Bókin skiptist í þrjá meginkafla eða verkefnaflokka: Lesskilning; stærðfræði og náttúrufræði.Verkefnin má vinna í kennslustund á stuttum tíma og einnig í heimanámi. Bókin hlaut styrk úr Þróunarsjóði námsgagna.