Hér er að finna fjölbreytt vefefni eftir Iðunni Steinsdóttur sem kennarar geta valið úr og prentað út. Um er að ræða kennsluhugmyndir með köflum bókarinnar Æsir á fljúgandi ferð sem er síðasta bókin um æsi í endursögn Iðunnar. Þá eru hér vinnublöð handa nemendum og lesskilningsverkefni með spurningum. Einnig samlestrarefni sem er vel til þess fallið að æfa upplestur og framsögn og yfirgripsmikið hugtakasafn þar sem flest hugtök goðafræðinnar eru útskýrð.  Bókin er þriðja og síðasta bókin í flokki þar sem höfundur endursegir Snorra-Eddu fyrir börn. Æsir á fljúgandi ferð er  góð heimild um ásatrú.