Vegna ákvæða um höfundarrétt hefur þessum vef verið lokað fyrir almenning en skólar hafa fengið sent lykilorð inn á hann fyrir kennara. Nánari upplýsingar [email protected]

Á vefnum Kvistir er að finna stuttar fræðslumyndir í náttúrufræði og samfélagsgreinum sem keyptir hafa verið af verðlaunavefnum Twig. Vefurinn er afar vinsæll breskur kennsluvefur sem hlotið hefur fjölda viðurkenninga t.d. Bett-verðlaunin. Nú eru komnar út á vefinn samtals 77 stuttar fræðslumyndir í 4 flokkum.  

• Landafræði 10 myndir
• Jarðfræði 20 myndir
• Eðlisfræði 16 myndir
• Líffræði 31 mynd

Í landafræðimyndunum er fjallað um: Offjölgun mannkyns, kortagerð, landshætti og þróun byggðar, forsendur byggðar og dreifingu fólksins um jörðina. Einnig er fjallað um misrétti í heiminum, þróunarlönd, iðnríki og hnattvæðingu.

Í jarðfræðimyndunum er fjallað um: Hringrás bergtegunda, uppbyggingu jarðar, jarðskjálfta, eldgos, eldfjöll, landrekskenninguna, veðrakerfin, mengun, gróðurhúsaáhrif, hringrásir vatns, vinda og kolefna, orkugjafa og fleira.

Í eðlisfræðimyndunum er fjallað um: Hljóð, Dopplerhrif, ljós, lögmál Newtons, hraða, hröðun, krafta í náttúrunni, orku, varma, lögmál varmafræði, rafmagn, straum og straumbreyta, rafsegla, rafala, rafrásir og viðnám. 

Í líffræðimyndunum er fjallað um: mannslíkamann m.a. skynfæri, blóð, hjarta, lungu, vöðva, maga, bein, taugar og heila, kynþroska, getnaðarvarnir, eggfrumur, frjóvgun, frumur, erfðir, DNA, stofnfrumur, ónæmiskerfið, bakteríur, veirur, hormón, heilbrigði, fæðu, kynsjúkdóma og ávana og fíkniefni. Í þessum flokki eru tvær myndir sem fjalla um vistkerfi og lífbreytileika.