Örbók 7

Kafarar er í flokki örbóka sem er hluti af lestrarkennsluefninu Listin að lesa og skrifa. Í bókinni eru bókstafirnir í, ó, s, á, l, a, i, r, ú, m, u, v, e, o, n, æ, f, j, h, é, t, g, ö, ð, b, y, ý, þ og k æfðir ásamt orðmyndunum sagði, ekki og að.

Lestrarkennsluefnið Listin að lesa og skrifa er ætlað byrjendum í lestri og byggist fyrst og fremst á hljóðaaðferð. Lögð er áhersla á hæga stígandi, myndræna framsetningu, skipuleg vinnubrögð og endurtekningu. Allur texti er án samhljóðasambanda með greinilegu letri og góðu línubili. Efnið skiptist í fjórar vinnubækur, 24 lestrarbækur, örbækur, lesspil, kennsluleiðbeiningar, verkefni á vef o.fl.

Örbækurnar eru léttustu bækurnar í flokknum Listin að lesa og skrifa og ætlaðar þeim börnum sem þurfa mjög mikla endurtekningu og texta með stuttum orðum á meðan þau eru að ná tökum á lestrarnáminu.