Sjóræningjarnir eru komnir! er þriðja bókin í bókaflokknum Sögulandið og leiðir lesandann inn í einn myrkasta kafla íslenskrar sögu.

Sagan segir frá Agli, ellefu ára dreng sem býr með fjölskyldu sinni í Vestmannaeyjum á 17. öld. Ógnin vofir yfir þegar fregnir berast af sjóræningjum og íbúar eyjanna búa sig undir hið versta. Þegar Tyrkjaránið skellur á fær Egill mikilvægt hlutverk – en hvernig á barn að takast á við grimma ribbalda þegar hann á jafnvel í vandræðum með að ráða við eina freka kind?

Í þessari spennandi og áhrifaríku sögu fá lesendur innsýn í líf barna á tímum ótta, óvissu og hörmunga. Sjóræningjarnir eru komnir! lýsir Tyrkjaráninu 1627 frá sjónarhorni barns og sameinar sögulegar staðreyndir og mannlega frásögn sem vekur fortíðina til lífsins.