Væntanlegt námsefni
Tvisvar á ári, að vori og hausti, stendur Menntamálastofnun fyrir útgáfudegi námsefnis. Í aðdraganda útgáfudags er væntanlegt námsefni kynnt með BÓKABLIKKI í formi fréttabréfs til þeirra sem skráðir eru á póstlista námsefnis Menntamálastofnunar. Bókablikkin birtum við svo flest á Facebook-síðu og vef Menntamálastofnunar.
Skráðu þig á póstlista námsefnis Menntamálastofnunar til þess að fá nýjustu fréttir af námsefnisútgáfunni hverju sinni.
Næsti útgáfudagur verður 30. apríl 2019
-------------------------------------------------------------------------------------------------------------------------------------------------------------
Litla-Lesrún kemur út 30. apríl
Litla-Lesrún er nemendabók ætluð börnum í 2. bekk en getur einnig nýst eldri nemendum. Í bókinni eru fjölbreyttar textagerðir og lesskilningsverkefni.
Flestar verkefnagerðir eru endurteknar nokkrum sinnum og eru áherslur svipaðar og í seinni bókum Lesrúnar.
Pöndur, sæhestar, strútar og sniglar koma við sögu ásamt ofurhetjum og ormum. Unnið er með orð sem tengjast fatnaði, líkamanum og fleira.
Bókinni munu fylgja kennsluleiðbeiningar á vef.
Hér má sjá sýnishorn úr bókinni:
