Í framhaldi af fundi samráðshóps um rafræn próf hafa Menntamálastofnun og mennta- og menningarmálaráðuneytið ákveðið að endurskoða dagsetningar  samræmdra könnunarprófa í 9. bekk skólaárið 2017 til 2018.

Áður hafði verið tilkynnt með bréfi dagsettu 13. desember 2016 að ætlunin væri að hafa tvo prófdaga í 9. bekk. Horfið verður frá því fyrirkomulagi og prófað á þremur dögum þannig að hver námsgrein fær sinn prófdag.

Eftirfarandi prófdagar verða því í 9. bekk skólaárið 2017 til 2018:

Tvær próflotur verða haldnar á prófdögum en hver nemandi þreytir hvert próf einungis einu sinni.  Miðað er við að fyrri lota hefjist klukkan 8:30 að morgni og sú seinni  kl. 11:30.  Skólastjóri skipuleggur hvenær nemendur þreyta próf. 

Með tilkomu rafrænna prófa hefur skólastjóri sveigjanleika til að hefja próf 30 mínútum fyrir eða eftir viðmiðunartíma.

Ekki verður breyting á prófdögum fyrir 4. og 7. bekk  skólaárið 2017-2018.