Læsisverkefni Menntamálastofnunar hefur fengið höfundana Ásu Marin Hafsteinsdóttur og Arndísi Þórarinsdóttur til að semja nýtt efni, Eitt skref í einu, sem ætlað er til markvissrar lesfimiþjálfunar heima. Efnið skiptist í fimm stig og er hvert stig efni í fjögurra vikna þjálfun.
Efnið er hugsað fyrir nemendur á aldrinum 7-10 ára sem hafa góðar forsendur fyrir lestrarnám en þurfa að bæta sig. Sögurnar eru allar sjálfstæðar og höfða til nemenda á þessum aldri.
Á næstu dögum verður auglýst vinnustofa þar sem farið verður yfir notkun efnisins. Áætluð tímasetning vinnustofunnar er aðra vikuna í apríl undir lok dags.
Við hvetjum áhugasama kennara sem vilja tryggja sér pláss til að hafa samband á [email protected]