Forinnritun 10. bekkinga í framhaldsskóla fyrir haustönn 2017 lauk 10. apríl síðastliðinn. Alls bárust umsóknir frá 88% nemenda.

Í umsóknarferlinu sækja nemendur um tvo skóla og velja sér jafnframt tvær námsbrautir innan hvors skóla fyrir sig. Flestar umsóknir bárust til Verzlunarskóla Íslands, Kvennaskólans í Reykjavík, Menntaskólans í Reykjavík og  Menntaskólans við Sund. Taflan hér að neðan sýnir fjölda umsókna í vali eitt og tvö og laus nýnemapláss í þeim skólum sem fengu flestar umsóknir í forinnrituninni. 

Lokainnritun fyrir þá sem eru að útskrifast úr grunnskólum vorið 2017 er dagana 4. maí til 9. júní 2017. Hafi val nemenda sem tóku þátt í forinnritun ekki breyst áður en til lokainnritunar kemur gildir sú umsókn sem þeir settu inn á forinnritunartímabilinu.