Lilja D. Alfreðsdóttir, mennta- og menningarmálaráðherra heimsótti Menntamálastofnun í gær í tilefni af því að framkvæmd samræmdra könnunarprófa í 9. bekk er lokið og gekk vel.
Ráðherra sagði það skipta máli að fagna þegar vel tekst til en ekki einblína einungis á það sem illa fer. Miklu skipti að prófin nýttust á uppbyggilegan hátt sem endurgjöf til nemenda og skóla.
Hún þakkaði starfsfólki Menntamálastofnunar fyrir vel unnin störf og lýsti ánægju sinni með gott samstarf stofnunarinnar við sveitarfélög og skóla um framkvæmdina.