Alls sóttu 4077 nemendur um skólavist í framhaldsskóla haustið 2019, eða rúm 95% nemenda sem luku grunnskóla í vor. Umsóknarfrestur var til 7. júní. Líkt og undanfarin ár gafst nemendum kostur á að sækja um tvo skóla. Verzlunarskóla Íslands, Menntaskólanum við Sund og Tækniskólanum bárust flestar umsóknir sem fyrsta val.
Skólarnir raða umsóknum eftir einkunnum og alls fengu 165 nemendur ekki skólavist í þeim skólum sem þeir höfðu óskað eftir í fyrsta eða annað val, eða rúm 4% allra umsækjenda. Frá því umsóknarfresti lauk hefur Menntamálastofnun unnið að því að finna þeim nemendum skólavist í þriðja skóla og hefur sú vinna gengið vel.
Þessi tafla sýnir fjölda umsókna í fyrsta og öðru vali eftir skólum, raðað eftir fjölda umsókna sem skólunum bárust samanlagt. Til samanburðar er hér einnig að finna sambærilega töflu fyrir umsóknir vegna haustannar 2018.