Kjalnesinga saga er þriðja bókin í flokki Íslendingasagna sem Menntamálastofnun gefur út.

Sagan gerist undir Esjurótum og næsta nágrenni. Hún segir frá lífi Búa, átökum heiðinna og kristinna, göldrum, ástum og vígum manna. Bókin er einkum ætluð unglingastigi. Kennsluleiðbeiningar verða á vef Menntamálastofnunar.

Ragnar Ingi Aðalsteinsson hefur gert textann aðgengilegan og skrifað jafnframt verkefni og orðskýringar. Myndskreytir er Sigmundur Breiðfjörð Þorgeirsson.