Menntamálastofnun auglýsir eftir námsefnishöfundum í afmarkað verkefni við að semja kennslubækur og ítarefni í samfélags- og náttúrfræðigreinum fyrir yngsta stig grunnskólans. Um er að ræða námsefni sem verður unnið samkvæmt tillögum starfshóps í samfélags- og náttúrufræði.

Mikilvægt er að umsækjendur hafi nokkra þekkingu á viðfangsefninu, einhverja reynslu af grunnskólakennslu, færni í að skrifa læsilegan og auðskilinn texta og þekki vel til fjölbreyttra kennsluhátta. Gerður verður verktakasamningur við væntanlegan höfund eða höfunda, þar sem kveðið er á um umfang verks, verklaun og verktíma. Gert er ráð fyrir að námsefnið verði tilbúið til dreifingar í grunnskóla á árunum 2020-2022.

Einstaklingar jafnt sem hópar eru hvattir til að sækja um.
Óskað er eftir að umsóknum fylgi greinargott kynningarbréf þar sem fram koma upplýsingar um menntun og starfsreynslu ásamt öðrum upplýsingum.
Umsóknarfrestur er til 8. mars 2019.
Umsóknir skulu berast á netfangið [email protected] merkt Námsefnishöfundur.

Nánari upplýsingar gefa ritstjórarnir:
Auður Bára Ólafsdóttir, [email protected] s: 5147500
Sigrún Sóley Jökulsdóttir, [email protected] s: 5147500