Það voru börn full eftirvæntingar sem heimsóttu starfsfólk Menntamálastofnunar í dag en tilefnið var dagur leikskólans.
Börnin, sem eru í leikskólanum Sólhvörf í Kópavogi, sungu nokkur vel valin lög ásamt því að bjóða upp á sýningu á listaverkum sem þau höfðu unnið í leikskólanum. Á eftir gæddu allir sér á kleinum og safa.
Börnin voru einlæg og skemmtileg og öll framkoma þeirra var til fyrirmyndar. Heimsóknin gaf góða mynd af því metnaðarfulla og krefjandi starfi sem unnið er í Sólhvörfum og í leikskólum um land allt.
Starfsfólk Menntamálastofnunar þakkar þessum flottu börnum fyrir frábæra heimsókn.
Til hamingju með dag leikskólans!