Menntamálastofnun hefur nú gefið út stafakönnun til að auðvelda kennurum að meta stöðu stafaþekkingar nemenda sinna á fyrstu stigum lestrarnáms í leik- og grunnskóla. Með því að gera könnun á heiti, hljóðum og rithætti stafa fást gagnlegar upplýsingar um stafaþekkingu nemenda en sjálfvirk og örugg stafaþekking er lykill að farsælu lestrarnámi til framtíðar.
Þar sem mörg börn í leikskólum hafa náð ágætis færni í þessum þáttum þá er leikskólakennurum frjálst að leggja þessa könnun fyrir sín börn óski þeir þess.
Er það von Menntamálastofnunar að stafakönnunin nýtist kennurum vel í starfi til að mæta nemendum þar sem þeir eru staddir.