Minnt er á að nú er hægt að tilnefna til Íslensku menntaverðlaunanna 2022.

Markmið verðlaunanna er að auka veg menntaumbótastarfs og vekja athygli samfélagsins á metnaðarfullu og vönduðu skóla- og frístundastarfi með börnum og ungmennum. Ein verðlaunin eru veitt fyrir framúrskarandi skóla- og frístundastarf, ein verðlaun veitt framúrskarandi kennara og ein verðlaun veitt framúrskarandi þróunarverkefni, auk sérstakra hvatningarverðlauna.

Sérstök athygli er vakin á því að í ár bætist við nýr verðlaunaflokkur: Framúrskarandi iðn- eða verkmenntun, ein verðlaun veitt kennara, námsefnishöfundi, skóla- eða menntastofnun fyrir framúrskarandi starf, verk eða framlag til iðn- eða verkmenntunar.

Tilnefningar þurfa að berast fyrir 1. júní, en viðurkenningarráð velur þrjár til fimm tilnefningar í hverjum flokki til kynningar á alþjóðadegi kennara 5. október. Verðlaunin verða veitt við hátíðlega athöfn í nóvember og RUV mun sýna frá afhendingunni.

Nánari upplýsingar um verðlaunin og tilnefningarnar er að finna á vef Skólaþróunar.