Tilnefningar til íslensku menntaverðlaunanna 2022 voru kynntar í tilefni alþjóðlega kennaradagsins 5. október. Verðlaunin verða svo veitt við hátíðlega athöfn á Bessastöðum 2. nóvember.
Ásthildur Bj. Snorradóttir í samstarfi við Menntamálastofnun hlaut tilnefningu í C-flokki - Framúrskarandi þróunarverkefni
Tilnefningar hlutu:
A. Framúrskarandi skólastarf eða menntaumbætur
Ein verðlaun eru veitt í þessum flokki, til skóla eða annarrar menntastofnunar, sem stuðlað hefur að menntaumbótum er þykja skara fram úr. Þessir skólar eru tilnefndir:
- Allegro – Suzuki tónlistarskóli
- Leikskólinn Akrasel
- Leikskólinn Rauðhóll
- Tæknimenntaskóli Tækniskólans
B. Framúrskarandi kennari.
Ein verðlaun eru veitt í þessum flokki til kennara sem stuðlað hefur að menntaumbótum sem þykja skara fram úr. Tilnefndir eru þessir kennarar:
- Ásta Kristjana Guðjónsdóttir, kennari við Reykholtsskóla í Bláskógabyggð
- Elísabet Ragnarsdóttir, leikskólanum Heiðarborg, Reykjavík
- Guðríður Sveinsdóttir, kennari við Giljaskóla á Akureyri
- Mikael Marinó Rivera, kennari við Rimaskóla í Reykjavík
- Valdimar Helgason, kennari við Réttarholtsskóla í Reykjavík
C. Framúrskarandi þróunarverkefni
Verðlaun fyrir framúrskarandi þróunarverkefni eru veitt verkefnum sem standast ítrustu gæðakröfur um markmið, leiðir, inntak, mat og kynningu, hafa samfélagslega skírskotun og nýtast til að efla menntun í landinu. Eftirfarandi verkefni eru tilnefnd:
- Átthagafræði í Grunnskóla Snæfellsbæjar
- Skrekkur, hæfileikakeppni skóla- og frístundasviðs Reykjavíkur
- Snemmtæk íhlutun með áherslu á málþroska og læsi leikskólabarna. Ásthildur Bj. Snorradóttir og Menntamálastofnun
D. Framúrskarandi iðn- eða verkmenntun.
Ein verðlaun veitt kennara, námsefnishöfundi, skóla- eða menntastofnun fyrir framúrskarandi starf, verk eða framlag til iðn- eða verkmenntunar. Tilnefningar fá:
- Átaksverkefnið #kvennastarf – Tækniskólinn í samstarfi við iðn- og verkmenntaskóla
- Hársnyrtibraut Verkmenntaskólans á Akureyri
- Málarabraut Byggingartækniskóla Tækniskólans
Sjá frekari upplýsingar um tilnefningar inn á heimasíðu Samtaka áhugafólks um skólaþróun.