1. Forsíða
  2. Tvær Eurydice skýrslur um viðbrögð þátttökuríkja við móttöku nemenda frá Úkraínu

Tvær Eurydice skýrslur um viðbrögð þátttökuríkja við móttöku nemenda frá Úkraínu

Um gjörvalla Evrópu eru nú stórir hópar barna og ungmenna frá Úkraínu sem flúið hafa heimili sín vegna stríðsátaka þar í landi. Í mörgum tilfellum er um að ræða grunn- og framhaldsskólanemendur sem hafa brýna þörf fyrir skólavist. Eins eru í þessum hópi ungmenni sem neyðst hafa til að hætta háskólanámi eða slá því á frest um óákveðinn tíma.

Menntamálayfirvöld Evrópuríkja hafa tekið saman tvær skýrslur um það hvernig þeim hefur gengið að takast á við þá áskorun að taka á móti stórum hópum barna og ungmenna á flótta frá Úkraínu og veita þeim ýmsan stuðning varðandi aðgengi að námi og tækifæri með nauðsynlegum sveigjanleika til að halda áfram námi. Í þessum tveimur Eurydice-skýrslum er dregin upp mynd af því hvernig menntayfirvöld í Evrópu, meðal annars íslensk stjórnvöld, hafa brugðist við þessari miklu áskorun. Fjallar önnur skýrslan um háskólastigið en hin um grunn- og framhaldsskólastigið. Viðmiðunartímabilið er skólaárið 2021-2022.

Skýrslunar má nálgast hér og hér.

skrifað 12. JúL. 2022.