Frá toppi til táar er námsspil í líffræði mannsins fyrir miðstig grunnskóla en nýtist einnig eldri nemendum. Spilið er byggt á kennslufræðilegum áherslum námsefnis í líffræði fyrir miðstig grunnskóla og áherslum aðalnámsskrár grunnskóla, greinasvið 2013. Því er ætlað að vekja áhuga og auka þekkingu nemenda á námsefninu, ásamt því að stuðla að fjölbreyttum kennsluaðferðum. 

Spilið byggist upp á því að leikmenn þurfa að komast frá upphafi til enda, svara spurningum, leysa þrautir og taka áhættu á leiðinni. Það er fyrir 4–8 leikmenn  og spilatími er áætlaður 20–40 mín. 

Innihald

• spilaborð
• 400 kort
• fjórir  leikmenn
• tveir teningar
• reglur
• blýantur og blöð