Námsefnið er samið fyrir nemendur með annað móðurmál en íslensku. Það er einkum miðað við nemendur á aldrinum 8–11 ára sem eru læsir á sínu móðurmáli en hafa litla eða enga kunnáttu í íslensku en getur nýst bæði eldri og yngri nemendum. Efnið skiptist í nemendabók, hljóðbók,  ítarefni með nemendabók og ábendingar og kennsluhugmyndir til kennara á vef (pdf).

Nemendabókin skiptist í 16 kafla þar sem bæði má finna samfellda texta og verkefni sem nemendur geta unnið beint í heftið. Hún er einnota.

Bókarlaus verkefni eru hugsuð til að nota bæði samhliða nemendabókinni og án hennar og jafnvel áður en kennsla hennar hefst, t.d. má þar finna kennsluhugmyndir sem nýtast yngstu börnunum sem ekki eru farin að lesa.

Námsefnið Kæra dagbók er ríkt af myndum sem þjóna þeim tilgangi að auðvelda nemendum að tengja saman myndir og orð. Samfelldir textar í nemendabók eru til lesnir á hljóðbók.