Kristin trú – Fagnaðarerindið  er í flokknum Trúarbrögð mannkyns og er einkum ætluð til trúarbragðafræðslu á mið- og unglingastigi grunnskóla. Sagt er frá helgiriti kristinna manna, Biblíunni og rakin saga Jesú frá Nasaret. Fjallað er um fæðingu hans, köllun og kenningar, starf hans, dauða og upprisu. Þá er sagt frá upphafi kirkjunnar, sögu, siðum og hátíðum. Einnig er íslensku kirkjunni lýst, kirkjustarfinu og hinum ýmsu kirkjum og söfnuðum er hér starfa.