Í bókinni eru bókstafirnir í, ó, s, á, l, a, i, r, ú, m, u, v, e, o, n, æ, f, j, h og é æfðir ásamt orðmyndunum sagði, ekki, og ég og að.
Fía ofur-mús er fimmta bókin í flokki örbóka en flokkurinn er hluti af lestrarkennsluefninu Listin að lesa og skrifa. Setningar og línur eru stuttar og letur skýrt.
Lestrarkennsluefnið Listin að lesa og skrifa er ætlað byrjendum í lestri og byggist fyrst og fremst á hljóðaaðferð. Lögð er áhersla á hæga stígandi, myndræna framsetningu, skipuleg vinnubrögð og endurtekningu. Allur texti er án samhljóðasambanda með greinilegu letri og góðu línubili. Efnið skiptist í fjórar vinnubækur, 24 lestrarbækur, örbækur, lesspil, kennsluleiðbeiningar, verkefni á vef o.fl.
Örbækurnar eru léttustu bækurnar í flokknum Listin að lesa og skrifa og ætlaðar þeim börnum sem þurfa mjög mikla endurtekningu og texta með stuttum orðum á meðan þau eru að ná tökum á lestrarnáminu.