Nói og Særún er í örbókaflokki Námsgagnastofnunar en flokkurinn er hluti af lestrarkennsluefninu Listin að lesa og skrifa. Í bókinni eru æfðir bókstafirnir í, ó, s, á, l, a, i, r, ú, m, v, e, o, n og æ ásamt orðmyndunum og, ég, að, sagði og ekki.
Lestrarkennsluefnið Listin að lesa og skrifa er ætlað byrjendum í lestri og byggist fyrst og fremst á hljóðaaðferð. Lögð er áhersla á hæga stígandi, myndræna framsetningu, skipuleg vinnubrögð og endurtekningu. Allur texti er án samhljóðasambanda með greinilegu letri og góðu línubili. Efnið skiptist í fjórar vinnubækur, 24 lestrarbækur, örbækur, lesspil, kennsluleiðbeiningar, verkefni á vef o.fl.
Örbækurnar eru léttustu bækurnar í flokknum Listin að lesa og skrifa og ætlaðar þeim börnum sem þurfa mjög mikla endurtekningu og texta með stuttum orðum á meðan þau eru að ná tökum á lestrarnáminu.