Náttúrulega 1 er kjarnaefni fyrir miðstig og er fyrsta kennslubókin af þremur í Náttúrulega bókaflokknum. Í bókaflokknum er fjallað um allar undirgreinar náttúrugreina. Bókinni fylgir verkefnabók, kennsluleiðbeiningar, gagnvirkur spurningabanki, námsmatsbanki og fleira.
Rafbókarútgáfan býr yfir nokkrum eiginleikum sem prentaða útgáfan hefur ekki. Þar má m.a. nefna eftirfarandi atriði:

Þegar smellt er á þennan hnapp opnast myndir í þrívídd á sér síðu. Hægt er að snúa og stækka/minnka myndirnar og sumar er hægt að skoða í viðbættum veruleika í snjalltækjum með því að smella á AR hnapp þegar myndin hefur opnast.

 Opnar stuttan fræðsluþátt í sprettiglugga.

Í lok hvers kafla er tengill á gagnvirk sjálfspróf fyrir nemendur sem gefur þeim samstundis endurgjöf um rétt eða rangt svar. Sjálfsprófið opnast í nýjum glugga.

Til viðbótar má finna skilgreiningar á öllum feitletruðum hugtökum í textanum með því að smella á hugtökin og þá birtast orðskýringar í sprettiglugga. Til viðbótar eru nokkrar myndir í .gif formi eða hreyfimyndaformi á nokkrum blaðsíðum sem spilast sjálfkrafa hljóðlaust. Þessir eiginleikar eru allir virkir í rafbókarkerfi Menntamálastofnunar.