Kennslubók í Íslandsögu áranna 870–1520 fyrir unglingastig grunnskóla.

Sögueyjan 1 er fyrsta bókin af þremur í bókaflokknum Sögueyjan sem Menntamálastofnun gefur út. Ritröðinni er ætlað að spanna Íslandssöguna frá landnámi til okkar tíma.

Meginmarkmið bókarinnar erað varpa ljósi á íslenskt samfélag frá landnámi til loka miðalda. Annars vegar er gerð grein fyrir myndun ig þróun íslenskt samfélags í réttri tímaröð. Hins vegar eru tilteknir þættir samfélagsins teknir fyrir og þeir útskýrðir.

Efnið er fléttað saman með þeim hætti að nemendur fái tilfinningu fyrir framvindu sögunnar um leið og þeir átti sig á samhengi tiltekinna samfélagsþátta.

Aðalatriðið er að veita skýra innsýn í samfélag miðalda þar sem nemendur geta áttað sig á lífsskilyrðum almennings og ólíku hlutskipti landsmanna varðandi auð og völd.