Myndaflokkurinn Trúarbrögð mannkyns fjallar um nokkur helstu trúarbrögð jarðarbúa. Í hverri mynd er sagt frá fjölskyldu og ýmsum siðum er tengjast trú hennar. Fléttað er inn upplýsingum um trúarbrögðin, svo sem um stofnanda trúarinnar og upphaf hennar, útbreiðslu, trúarskyldur, guðshús og helgistaði.

Þessi mynd er um hindúatrú. Í henni er fjallað stuttlega um guðshugmyndir hindúa, kenninguna um endurholdgun, prestastéttina, tilbeiðslu og hugleiðslu, uppeldi og fjölskyldulíf og fleira. Sagt er frá íslenskri fjölskyldu sem játar hindúatrú. Myndin er einkum ætluð nemendum á mið- og unglingastigi grunnskólans. Hún er ítarefni með bók um hindúatrú. Stuttar leiðbeiningar fylgja myndinni. Hindúatrú er þriðja myndin í flokki um trúarbrögð mannkyns.

Fræðslumyndir Menntamálastofnunar eru aðeins til niðurhlaðs fyrir grunnskóla. Nauðsynlegt er að ip – tölur skóla séu skráðar hjá stofnuninni.