Nú er verkefnabók með Náttúrulega 1 komin út á prenti og fáanleg á pöntunarsíðu Menntamálastofnunar. Ýmis verkefni er að finna í verkefnabókinni en sérstök áhersla er lögð á hugtakaskilning og verklegar athuganir og tilraunir. 

Þá er Námsmatsbanki með efninu einnig aðgengilegur á vefnum en hann samanstendur af hugmyndum að námsmati fyrir nemendur úr Náttúrulega 1. Námsmatsverkefnin eru í formi athugana og tilrauna, prófa og kannana.

Náttúrulega 1 er kjarnaefni fyrir miðstig og er fyrsta kennslubókin af þremur í Náttúrulega bókaflokknum. Í bókaflokknum er fjallað um allar undirgreinar náttúrugreina. Bókinni fylgir verkefnabók, kennsluleiðbeiningar, gagnvirkur spurningabanki, námsmatsbanki og fleira.