Kennarabók með Tónlist og tíminn er komin út á rafrænu formi og hlustunarefni má nálgast á læstu svæði kennara.

Í námsefninu er samband tíma og tónlistar kannað frá mörgum ólíkum sjónarhornum. Samspil tímans og náttúrunnar er skoðað út frá tónlist og einkum unnið með árstíðirnar, sólarhringinn og sjávarföllin.

Sönglög eru frá ýmsum heimshornum og áhersla lögð á að miðla þeim með hlustun og endurtekningu. Frumþættir tónlistar fléttast inn í efnið, s.s. form, tónstyrkur, tónlengd, túlkun og rými. Kennarabókin er á rafrænu formi og þar eru verkefni til útprentunar. 

Námsefnið Tónlist og tíminn er hluti af bókaflokki í tónmennt fyrir yngsta stig grunnskóla og er einkum ætlað 3. – 4. bekk. Mörg viðfangsefnin geta þó einnig nýst í kennslu yngri og eldri nemenda. Efnið samanstendur af nemendabók, kennarabók og hlustunarefni á læstu svæði kennara.