Þessi verkefni eru hugsuð sem ítarefni með því námsefni sem stuðst er við í bekknum hverju sinni. Verkefnin eru fjölbreytt og reyna á marga þætti stærðfræðinnar. Mörg þeirra eru sett fram sem spil og þrautir og kemur fram í efnisyfirliti hvaða námsþætti þau reyna á. Þar má nefna rökhugsun, reikniaðgerðir, rúmfræði og talnaskilning. Mörg verkefnanna henta fyrir allan aldur þó nemendur á ólíkum aldri kunni að nálgast þau á misjafnan hátt. Séu verkefnin sérsniðin að ákveðnum aldri er það tekið fram í efnisyfirliti.