Starfsleyfi kennara
Réttur til að kalla sig kennara og starfa sem slíkur hér á landi, er skilgreindur í lögum nr. 95/2019 um menntun, hæfni og ráðningu kennara og skólastjórnenda við leikskóla, grunnskóla og framhaldsskóla og einnig skilyrði til að hljóta starfsleyfi.
Lög 95/2019 öðluðust gildi 1. janúar 2020. Við gildistöku laganna féllu úr gildi lög um menntun og ráðningu kennara og skólastjórnenda nr. 87/2008.
Samkvæmt lögum nr. 95/2019 er gefið út eitt leyfisbréf kennara en ekki aðgreint á milli skólastiga eins og fyrri lög kváðu á um. Áður útgefin leyfisbréf leik-, grunn- og framhaldsskólakennara uppfylla skilyrði fyrir leyfisbréfi með sérhæfingu á því skólastigi sem fyrri kennsluréttindi tóku til.
Ekki verða gefin út ný leyfisbréf til þeirra sem hafa fengið leyfisbréf leik-, grunn- og framhaldsskólakennara fyrir gildistöku laga nr. 95/2019. Kennarar með áður útgefin leyfisbréf hafa því kennsluréttindi á leik-, grunn- og framhaldsskólastigi með sérhæfingu á því skólastigi sem fyrri kennsluréttindi tóku til.
Starfsleyfi
Samkvæmt lögum nr. 95/2019 skal veita starfsleyfi:
- Umsækjanda sem lokið hefur meistaranámi sem ráðherra viðurkennir til kennslu á leik,- grunn,- og framhaldskólastigi, Auk þess þarf umsækjandi að búa yfir almennri hæfni, sbr. 4. gr., hafa lokið námi með að lágmarki 60 staðlaðar námseiningar í uppeldis – og kennslufræði og sérhæfingu skv. 5. gr. laga nr. 95/2020.
- Umsækjanda ríkisborgara frá ríki innan Evrópska efnahagssvæðisins eða Færeyjum ef viðkomandi leggur fram vottorð um viðurkennd kennsluréttindi í ríki innan svæðisins eða Færeyjum í samræmi við skilyrði tilskipunar 2005/36/EB, um viðurkenningu á faglegri menntun og hæfi, með áorðnum breytingum.
Gögn vegna umsóknar um starfsleyfi kennara
- Menntamálastofnun tekur eingöngu við umsóknum um starfsleyfi kennara ásamt fylgiskjölum rafrænt hér á heimasíðu stofnunarinnar. Umsækjandi þarf að eiga rafræn skilríki. Hægt er að nálgast rafræn skilríki hér:
Fylgiskjöl
- Umsækjendur með próf frá menntastofnun á Íslandi þurfa að senda inn skönnuð eintök á pdf-formi af prófskírteinum sínum (grunnnámi og meistaranámi) þar sem fram kemur nafn, kennitala og heiti á prófgráðu og yfirliti yfir námsferla.
- Umsækjendur sem stundað hafa nám innan EES eða í Sviss þurfa, auk sannaðra eintaka á pdf- formi af prófskírteinum og yfirliti yfir námsferla að skila inn:
- Vottorði frá lögbæru stjórnvaldi um viðurkennd kennsluréttindi í ríki innan svæðisins eða Færeyjum í samræmi við skilyrði tilskipunar 2005/36/EB, um viðurkenningu á faglegri menntun og hæfi, með áorðnum breytingum, sbr. 11. gr. laga nr. 95/2019
- Staðfestu ljósriti af þarlendu starfsleyfi (ef það er til staðar).
- Ljósrit af vegabréfi til að færa sönnur á ríkisfangi.
- Upplýsingum um sviptingu, takmörkun, afturköllun starfsleyfis eða önnur slík viðurlög vegna alvarlegra brota í starfi eða mistaka (Letter of Good Standing). Gögn mega ekki vera eldri en þriggja mánaða samkv. lög nr. 26/2010.
- Jafnframt þarf að skila inn frumgögnum á öðrum tungumálum en ensku og þýðingu löggilts skjalaþýðanda á íslensku eða ensku.
- Umsækjendur sem stundað hafa nám utan EES og Sviss þurfa að auki að skila inn staðfestu afriti umsóknar um atvinnu- og dvalarleyfi ásamt undirrituðum ráðningarsamningi, vottorði um íslenskukunnáttu og námslýsingu á íslensku eða ensku.
Fyrirspurnir um starfsleyfi kennara má senda Menntamálastofnun í tölvupósti á [email protected]
Rafræn umsókn
Leyfisbréf náms- og starfsráðgjafa
Sendið fyrirspurn á [email protected]. Símanúmer er 514-7500.
Lög um náms- og starfsráðgjafa nr. 35/2009
Leyfisbréf bókasafns- og upplýsingafræðinga
Lög um bókasafnsfræðinga nr. 97/1984