Verkefnin henta vel þeim sem eru með annað móðurmál en íslensku eða þurfa að styrkja málvitund sína af öðrum ástæðum. Lögð er áhersla á að nemendur fái þjálfun í að tengja saman lestur sögubókar og verkefni í vinnubók. Í vinnubókinni er athygli nemenda beint að lesskilningi, orðaforða og málfræði, þ.e að nemendur átti sig á hvaða beygingarmynd tiltekinna orða á við í setningu.

Æskilegt er að nemendur hafi kynnst heiti orðflokka en það er ekki nauðsynlegt þar sem dæmi um lausnir er ávallt sýnt. Eftirfarandi málfræðihugtök koma fram í bókinni: nafnorð, lýsingarorð,stigbreyting, sagnorð, nútíð, þátíð, kyn, fornöfn, forsetningar, sérnöfn, samheiti, andheiti, eintala, fleirtala og greinarmerki.