1. Forsíða
  2. Námsefni
  3. Skólablaðið - Vefur

Skólablaðið - Vefur

Opna vöru
  • Höfundur
  • Arnbjörg Eiðsdóttir og Þorbjörg St. Þorsteinsdóttir
  • Upplestur
  • Bjarni Snæbjörnsson, Sólveig Guðmundsdóttir, Hólmfríður Hafliðadóttir, Ingi Þór Þórhallsson, Janus Gertin Grétarsson og Þorbjörg Erna Mímisdóttir.
  • Vörunúmer
  • 9973-(2)
  • Skólastig
  • Miðstig
  • Unglingastig
  • Útgáfuár
  • 2013

Skólablaðið er gagnvirkur vefur ætlaður nemendum með annað móðurmál en íslensku, einkum á mið- og unglingastigi grunnskólans. Vefurinn nýtist þó út fyrir þann hóp, t.d. nemendum í framhaldsskóla og jafnvel fullorðinsfræðslu. Samkvæmt drögum að Aðalnámskrá grunnskóla 2012 miðast verkefnin við þá nemendur sem eru lengra komnir í íslensku en algjörir byrjendur. Vefnum er fyrst og fremst ætlað að æfa nemendur í daglegu máli. Megináherslan er á hlustun og skilning en einnig málnotkun og málfræði. Möguleikar vefjarins gefa tilefni til fjölbreyttra vinnubragða og hann má nota bæði í samkennslu, með skjávarpa eða rafrænni töflu, og við sjálfstæða vinnu nemenda. Miðað er við að nemendur: auki málfærni sína í íslensku efli tilfinningu fyrir beygingum málsins. bæti orðaforða sem kemur þeim að gagni í daglegum samræðum. eigi auðveldara með að bjarga sér úti í samfélaginu. átti sig á ýmsum óskráðum reglum. Vefurinn skiptist í þrjá hluta: Ritnefndin Ritnefndin í bænum Greinaskrif Hver hluti skiptist í fimm undirkafla og með hverjum þeirra eru fjögur verkefni sem velja má á milli; alls eru þetta 60 verkefni. Flest verkefnin tengjast sögusviðinu og er gert ráð fyrir að nemandinn byrji á að lesa samfelldan texta áður en hafist er handa við verkefnin. Hægt er að hlusta á upplestur textans.


Tengdar vörur