Litla-Lesrún er einnota nemendabók ætluð börnum í 2. bekk en getur einnig nýst eldri nemendum.

Áhersla er á lestur og lesskilning, að nemendur æfist í að nota aðferðir sem auðvelda úrvinnslu, bæði munnlega og skriflega.

Bókinni er ætlað að mæta áherslum í aðalnámskrá um að nemendur geti lesið mismunandi tegundir texta og ráði yfir aðferðum og leiðum til að skilja og túlka það sem þeir lesa. Þeir geti nýtt sér fjölbreyttan orðaforða og ráðið í merkingu orða út frá samhengi. Í bókinni eru fjölbreyttar textagerðir og lesskilningsverkefni.