Kortabók fyrir grunnskóla frá 2012 er að verða búin á lager og verður ekki endurprentuð. Örfá eintök eru eftir fyrir þá sem vilja tryggja sér eintak. Útgáfan 2012 var fimmta útgáfa bókarinnar og var hún unnin í samstarfi við bókaútgáfuna Liber í Svíþjóð. Liber hefur nú ákveðið að hætta útgáfu kortabóka og Menntamálastofnun hefur ákveðið að gera slíkt hið sama.

Kort eru orðin aðgengileg á vef og þar er auðvelt að nálgast fjölbreytt kort. Má til dæmis nefna Google Earth og Google maps.

Ýmislegt námsefni er í boði  hjá Menntamálastofnun sem snýr að vinnu við kort og kortalæsi. Hér er vakin athygli á eftirfarandi námsefni er tengist þessu tvennu:

Námsefni fyrir yngsta stig

• Könnum kortin 1 og 2 
• Komdu og skoðaðu landakort – áhersla á kortalestur og kortagerð

Námsefni fyrir mið- og unglingastig

• Heimsreisa – Google Earth – Verkefni og kennsluleiðbeiningar fyrir mið- og unglingastig: 
• Ísland, hér búum við – Í fyrsta hlutanum er fjallað um kort og kortalestur
• Kortavefsjá af Íslandi – Upplýsingar um ár, eyjar, fjöll, fossa, jökla, vötn, þéttbýli og þjóðgarða ásamt myndum
• Vefrallý um Ísland – Verkefni til útprentunar þar sem nemendur vinna verkefni m.a. í tengslum við vefinn Kortavefsjá af Íslandi með hjálp netsins
• Lönd heimsins
• Um víða veröld – heimsálfur
• Um víða veröld – Jörðin 
• Landafræði tónlistar