Megintilgangur tungumálanáms er að nemendur öðlist alhliða hæfni til að nota tungumálið sem lifandi verkfæri í fjölbreyttum tilgangi og við ólíkar aðstæður. Til að stuðla að því er mikilvægt að vera með fjölbreytta kennsluhætti sem eru hvetjandi og styðja við nemendur þannig að þeir eiga auðveldara með að ná þeim hæfniviðmiðum sem stefnt er að.

Markmið efnisins er að benda á leiðir til að vinna með fjölbreytta kennsluhætti og hvernig vinna má með m.a. kvikmyndir, þáttaraðir, myndefni og tónlist í kennslu.