Náttúrulega 1 verkefnabók fylgir námsefninu Náttúrulega 1. Náttúrulega 1 er fyrsti hluti af þremur í bókaflokknum sem samanstendur af nemendabók, verkefnabók, kennsluleiðbeiningum, gagnvirkum spurningum, námsmatsbanki og fleira.

Bókin samanstendur af fimm köflum sem hver fjallar um undirgrein náttúrugreina.

• Fyrsti kaflinn ber heitið Flóra og fána og fjallar um líf á jörðinni og grunneiningar lífs og flokkun þess.
• Annar kafli ber heitið Sjáðu líkamann minn. Hann fjallar um nokkur af líffærakerfum mannslíkamans, stoðkerfi, öndunarkerfi og blóðrásarkerfið og fjallar auk þess um sjónina og ljós.
• Þriðji kafli heitir Tækni og nýsköpun. Hann fjallar um þá þróun sem orðið hefur á tækni og hvernig hægt er að skapa nýja hluti og hugmyndir.
• Fjórði kafli heitir Það skiptast á skin og skúrir. Hann fjallar um lofthjúp jarðar og veðrakerfið.
• Fimmti og síðasti kafli heitir Út um mela og móa. Sá kafli fjallar um gróðurlendi á Íslandi og íslenska náttúru.

Ýmis verkefni er að finna í verkefnabókinni en sérstök áhersla er lögð á hugtakaskilning og verklegar athuganir og tilraunir.