Næsta skref er upplýsingavefur um námsleiðir og störf á Íslandi. Hann er hægt að nýta í margskonar náms- og starfsfræðslutengdum verkefnum, svo sem í tengslum við starfskynningar, áhugasvið eða framtíðaráform nemenda.

Vefurinn á rætur að rekja til Evrópuverkefnis áranna 2012-2014 en gekk í gegnum töluverðar endurbætur 2016 – 2018 og hefur upp frá því fest sig í sessi sem alhliða upplýsingaveita um nám og störf. Núverandi útgáfa hefur verið í umsjón Miðstöðvar menntunar og skólaþjónustu frá vori 2024.