Efnisyfirlit

2.1 Dagsetningar prófa

Dagsetningar samræmdra könnunarprófa skólaárið 2020 - 2021 eru eftirfarandi:

Samræmd könnunarpróf í 7. bekk 

Samræmd könnunarpróf í 4. bekk 

Samræmd könnunarpróf í 9. bekk 

Varaprófdagar verða 12. og 13. október 2020 fyrir 4. og 7. bekk. Varaprófdagar verða 15. og 16. mars 2021 fyrir 9. bekk. 

Rafræn próf bjóða upp á nokkurn sveigjanleika í skipulagi prófahalds í hverjum skóla og ákveður skólastjóri nákvæmari tímasetningu fyrirlagna á áðurgreindum prófdögum, innan þess tímaramma sem gefinn er í kafla 2.2 Próftími.

2.2 Próftími

Próftími er sá tími sem nemandi fær til að vinna að prófverkefnum og er hann breytilegur milli bekkja. Hann er 70 mínútur í 4. bekk, 80 mínútur í 7. bekk og 150 mínútur í 9. bekk. Nemendur geta jafnframt nýtt sér lengdan próftíma sem felst í 30 mínútum til viðbótar þeim tíma sem er tilgreindur í hverjum árgangi. Ekki þarf að sækja sérstaklega um lengdan próftíma. 

Rafræna prófakerfið heldur utan um próftíma hvers nemanda og lokast prófið sjálfkrafa þegar tíminn er liðinn. Nemendur geta fylgst með hvað próftíma líður á klukku í vinnustiku. Ef slökknar á tölvu eða nemandi missir samband við prófakerfið (rafmagnsleysi eða annað) þá stöðvast próftíminn sjálfkrafa og svör nemanda vistast í kerfinu.

Skólar eiga kost á að dreifa próftöku nemenda yfir daginn svo framarlega sem þeir hefji próftöku á tímabilinu 8:00 til 14:00. Skólastjóri ákveður hvenær próf hefjast innan prófdagsins. Til að koma í veg fyrir mikið álag á netkerfi skólans og prófakerfið eru skólar hvattir til að láta nemendur hefja próftöku með jöfnu millibili. Ekki er talið ráðlegt að allir nemendur skrái sig inn í próf á sama augnablikinu heldur láta líða nokkrar mínútur milli innskráninga nemenda. Sumir skólar leggja prófin fyrir í tveimur lotum, vegna fjölda nemenda og aðstæðna á prófstað.

Mikilvægt er að nemendur skrái sig út úr prófi þegar þeir hafa lokið því. 

<<Fyrri kafli

Næsti kafli>>

Efnisyfirlit