1. Forsíða
  2. 7. Undirbúningur prófstofu

7. Undirbúningur prófstofu

Grunnundirbúningur fyrir rafræna fyrirlögn er tvenns konar eftir því hvort um sé að ræða hefðbundna kennslustofu þar sem prófað er á fartölvur eða spjaldtölvur, eða tölvustofu þar sem prófað er á borðtölvur. Skólar hafa þó tiltölulega frjálsar hendur þegar kemur að því að ákveða prófstað. Til að mynda má prófa inni í tölvustofu og hafa auk þess stök borð fyrir tölvur eða spjaldtölvur ef rými hentar.

7.1 Hefðbundin kennslustofa

1. Borðum og stólum á að vera raðað upp þannig að einn nemandi sitji við eitt borð. Gott er að nemandi viti fyrirfram við hvaða borð hann situr. Mikilvægt er að nemandi færi sig ekki um sæti til að tryggja að hann sé með sinn rétta prófkóða. 

2. Á hverju borði þarf að liggja:

1. Útprentað A4 eyðublað með nafni, kennitölu og prófkóða hvers nemanda (slík eyðublöð eru útbúin hjá Menntamálastofnun en starfsmenn skóla þurfa að sækja þessi blöð inn í Skólagátt,  þaðan er síðan hægt að prenta þau út).

2. Eitt tæki (tölva eða spjaldtölva) sem nota skal til próftöku þarf að liggja á hverju borði.

3. Rissblað þarf að vera á hverju borði. Skólar ráða alfarið stærð blaðsins, en það getur verið mismunandi eftir plássi á borði.  Afhenda má fleiri rissblöð ef nemendur óska eftir því. Skólinn er ábyrgur fyrir að farga blöðunum að prófi loknu.

7.2 Tölvustofa

1. Ekki þarf að raða borðum sérstaklega, nema skólar kjósi svo ef nemendur sitja þétt. Líka er möguleiki í einhverjum tilfellum að snúa annarri hverri tölvu.

2. Á hverju borði þarf að liggja:

3. Útprentað A4 eyðublað með nafni, kennitölu og prófkóða sérhvers nemanda (slík eyðublöð verða útbúin hjá Menntamálastofnun og sett inn á Skólagátt þaðan sem hægt verður að prenta þau út).

4. Eitt tæki (tölva eða spjaldtölva) sem nota skal til próftöku þarf að liggja á hverju borði.

5. Rissblað þarf að vera á hverju borði. Skólar ráða alfarið stærð blaðsins, en það getur verið mismunandi eftir plássi á borði.  Afhenda má fleiri rissblöð ef nemendur óska eftir því. Skólinn ábyrgur fyrir að farga blöðunum að prófi loknu.

7.3 Próftaka   

1. Nemendur ganga inn í fyrirlagnarrýmið og setjast við það borð sem þeirra eyðublað liggur á.

2. Áður en innskráning er hafin er brýnt fyrir nemendum að slá inn kóðann. Athugið að stundum er prófkóði sleginn rangt inn en mikilvægt er að gefa sér góðan tíma í að skrá sig inn (ekki hafa áhyggjur af próftíma því hann byrjar ekki að telja niður hjá hverjum nemanda fyrr en hann hefur skráð sig inn).

3. Leiðbeiningar um opnun prófsins og próftökuna má finna hér.

4. Þegar nemendur ljúka prófi þarf að ganga úr skugga um að nemendur hafi skráð sig út úr prófi (smellt á þar til gerðan hnapp til að ljúka prófi). Auk þess minnum við á að þessi atriði má æfa í kynningarprófunum, sem er aðgengileg á vef Menntamálastofnunar. 

<<Fyrri kafli

Næsti kafli>>

Efnisyfirlit