Í leiðbeiningunum eru kynntar leiðir til að nýta mynda- og orðaspjöldin í spilakassanum Orð eru ævintýri sem og stóru myndaspjöldin. Hugmyndirnar koma úr ýmsum áttum, m.a. úr hugmyndabönkum sem fylgja myndabókinni Orð eru ævintýri. 

Flestar leiðirnar henta vel til notkunar í kennslu grunnskólanemenda sem eru á 1. hæfnistigi í íslensku sem öðru tungumáli og sumar 2. hæfnistigi, sérstaklega þeirra sem yngri eru þótt einnig megi aðlaga sumar þeirra að eldri nemendum. Margar þeirra eru einnig heppilegar fyrir börn á leikskólastigi og á forstigi í íslensku sem öðru tungumáli, einkum þær sem reyna ekki mikið á hæfni í ritun eða lestri. Fram kemur í lýsingum á leiðum fyrir hvaða stig og aldur þær henta.