Myndaflokkurinn Trúarbrögð mannkyns fjallar um nokkur helstu trúarbrögð jarðarbúa. Í hverri mynd er sagt frá fjölskyldu og ýmsum siðum er tengjast trú hennar.
Fléttað er inn upplýsingum um trúarbrögðin, svo sem um stofnanda trúarinnar og upphaf hennar, útbreiðslu, trúarskyldur, guðshús og helgistaði. Þessi mynd fjallar um búddhatrú. Hún sýnir m.a. helstu hreyfingar búddhatrúarmanna hérlendis og segir frá íslenskri fjölskyldu sem játar trúna. Myndin er einkum ætluð mið- og unglingastigi grunnskólans. Hún er ítarefni með bókinni Búddhatrú – Leiðin til Nirvana. Stuttar leiðbeiningar til kennarans fylgja myndinni.
Fræðslumyndir Menntamálastofnunar eru aðeins til niðurhlaðs fyrir grunnskóla. Nauðsynlegt er að ip – tölur skóla séu skráðar hjá stofnuninni.