Sagan um Bólu er æfingaefni í lestri fyrir byrjendur. Efnið skiptist í stutta sögu um köttinn Bólu sem prenta þarf út af vef Menntamálastofnunar og 10 lítil lestrarhefti sem byggjast á sögunni. Þetta er sjöunda hefti af tíu. 

Gert er ráð fyrir að í upphafi sé sagan lesin í heild fyrir nemendur en hver hluti svo rifjaður upp með þeim áður en þeir lesa heftin. Upprifjun úr sögunni er aftast í hverju hefti. 

• Með því að rifja söguna upp með barninu fær stuttur texti lestrarheftisins aukna merkingu í huga þess. 
• Lestrartextinn byggist á hljóðaaðferð og er lögð áhersla á tengsl bókstafs og hljóðs. 
• Einnig eru kenndar algengar orðmyndir. Í þessu bætast bókstafirnir ð og ö og orðmyndin nei við það sem fengist var við í fyrri heftum.