Í hverjum kafla er að finna megintexta, rammagreinar til fróðleiks og ítargreinar um áhugaverð málefni. Í lok hvers kafla er að finna fjölbreytt verkefni. Í bókinni er fjöldi korta, skýringarmynda og ljósmynda sem útskýrir lesefnið enn frekar.

• Fyrsti kaflinn fjallar um tilurð jarðar og jarðsöguna, gang himintungla og ferðir mannsins út í geiminn.
• Í öðrum kafla er rætt um uppbyggingu jarðar, innri og ytri öfl sem móta landið og breyta. 
• Í þriðja kafla er fjallað um landakort, hvernig þau nýtast manninum og nýjungar í kortagerð. 
• Í fjórða kafla er umræða um náttúru, gróður og loftslag. 
• Í fimmta kafla er fjallað um en höfin, hafstrauma og auðlindir hafsins. 
• Í sjötta kafla er efni um auðlindir og orku, endurnýjanlega og óendurnýjanlega orku og mikilvægi þess að vanda umgengni við auðlindirnar. 
• Í sjöunda kafla er gerð grein fyrir búsetu og skipulagsmálum á jörðinni. 
• Í áttunda kafla kaflanum farið í umhverfismál og velt upp mörgum áleitnum samfélagsmálum.