Rokk og róttækni er þemahefti í sögu fyrir mið- og unglingastig og er í bókaflokknum Sögugáttin.
Bókin er saga´68 kynslóðinnar. Það er sagt frá því þegar ungt fólk kom fyrst fram sem samstæður hópur með eigin menningu og báráttumál. Unglingamenningin hófst með tilkomu rokksins en fjörugur taktur þess bar vott um lífsfjör og sjálfstæðisþörf æskunnar. Kynslóðabilið jókst  og unga fólkið tók að mótmæla ýmsu sem því þótti miður fara í samfélaginu. Baráttan náði hámarki með stúdentauppreisninni í París árið 1968. Æskan vildi ekki láta segja sér fyrir verkum og sumir gerðust hippar  og reyndu sem mest að lifa fyrir utan hefðbundið samfélag. Æskulýðsróttæknin leiddi af sér frjálslyndara samfélag sem kom meðal annars fram í auknum réttindum kvenna og samkynhneigðra.

Í bókinni eru fjölbreytt verkefni sem hugsuð eru sem æfing í frekari heimildavinnu.